ဧပြီ ၁ ရက်နေ့တွင် ကျင်းပမည့် ကြားဖြတ် ရွေးကောက်ပွဲတွင် ဇေယျာသော် ၀င်ရောက်ယှဉ်ပြိုင်မည်

Posted: January 27, 2012 in Legend, News
Tags:

ဧပြီလ ၁ ရက်နေ့တွင်ကျင်းပမည့် ကြားဖြတ် ရွေးကောက်ပွဲတွင် အဆိုတော် ဇေယျာသော် ၀င်ရောက် ယှဉ်ပြိုင်မည်ဖြစ်ကြောင်း သိရသည်။

“ကျွန်တော့်အနေနဲ့ လာမယ့် ကြားဖြတ်ရွေးကောက်ပွဲမှာ နေပြည်တော်၊ ပုဗ္ဗသီရိ မဲဆန္ဒနယ်ကနေ၀င် ပြိုင်မှာပါ။ အဲဒီအတွက် ခရိုင်ကော်မရှင်ရုံးကို ဇန်န၀ါရီနောက်ဆုံးပတ်ထဲမှာ အဆိုပြုလွှာ သွားတင်မှာပါ။ အခု လောလောဆယ်မှာ မဲဆွယ်စည်းရုံးမှုတွေ လုပ်ဖို့ အခွင့်မရှိသေးတာကြောင့် ၀င်ရောက်ယှဉ်ပြိုင်ဖို့နဲ့ ပတ်သက်ပြီး ကျွန်တော့်အနေနဲ့ ဘာမှမပြောချင်သေးပါဘူး” ဟု ဇေယျာသော်က ဆိုပါသည်။

ဇေယျာသော်သည် အမျိုးသား ဒီမိုကရေစီအဖွဲ့ချုပ်မှ ၀င်ရောက် ယှဉ်ပြိုင်မည်ဖြစ်သည်။ ဇေယျာသော်ဝင် ရောက်ယှဉ်ပြိုင်မည့် မဲဆန္ဒနယ်မှာ နေပြည်တော် ပုဗ္ဗသီရိမြို့နယ်၏ ပြည်သူ့လွှတ်တော် ကိုယ်စားလှယ်အဖြစ် ၀င်ရောက် ယှဉ်ပြိုင်မည်ဖြစ်သည်။ ၂၀၁၀ပြည့်နှစ် နိုဝင်ဘာလတွင် ကျင်းပခဲ့သည့် ရွေးကောက်ပွဲတွင် လက်ရှိ ဒုတိယသမ္မတသီဟသူရ ဦးတင်အောင်မြင့်ဦး သည်လည်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ နေပြည်တော် ပုဗ္ဗသီရိမြို့နယ် မဲဆန္ဒနယ်တွင် ၀င်ရောက်ယှဉ်ပြိုင်ခဲ့ခြင်း ဖြစ်သည်။

ဇေယျာသော်ကို ပါမောက္ခ ဒေါက်တာမြသော်နှင့် ဒေါက်တာ ခင်ဝင်းမေတို့မှ ၁၉၈၁ ခုနှစ် မတ်လ ၁၆ ရက်နေ့တွင် မွေးဖွားခဲ့သည်။ နာမည်ရင်းမှာ ဖြိုးဇေယျာသော်ဖြစ်ပြီး အင်္ဂလိပ်စာအထူးပြုဘာသာရပ်ဖြင့် ဘွဲ့ရရှိခဲ့သည်။ ဇေယျာသော်သည် ၁၉၉၇ ခုနှစ်၌ ဒီဂျေဖြင့် အနုပညာရပ်ဝန်းတွင် စတင်အခြေချခဲ့ပြီး ၂၀၀၀ ပြည့်နှစ်တွင်  ACID ဂီတလောကတွင်စတင်အောင်မြင်လာခဲ့သည်။

၂၀၀၈ ခုနှစ် မတ်လ ၁၃ ရက် နေ့တွင် တရားမ၀င် အသင်းဖွဲ့စည်းမှု၊ နိုင်ငံခြားငွေကိုင်ဆောင်မှု စသည့် ပုဒ်မများဖြင့် ဖမ်းဆီး ထိန်းသိမ်းခြင်း ခံခဲ့ရသည်။ ကော့သောင်း အကျဉ်းထောင်တွင် လေးနှစ်ပြစ်ဒဏ်ဖြင့် ကျခံရစဉ် ၂၀၁၁ ခုနှစ်၊ မေလအတွင်း ထုတ်ပြန်ခဲ့သည့် လွတ်ငြိမ်းချမ်းသာ ခွင့်အမိန့်ကြေညာချက်ကြောင့် ပြန်လည် လွတ်မြောက်လာခဲ့သည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s