Mandalay ICON magazine စာအုပ်ထဲမှာ အခန်းဆောင်ရေးသားတင်ဆက်နေတဲ့ ဆရာအောင်ချိမ့် ရဲ့ ကွယ်လွန်သူ
စိတ္တဇပန်းချီဆရာ ၊ ကဗျာဆရာ ၊ တေးရေး နဲ့ တေးဆို တစ်ဦးဖြစ်တဲ့ ခင်ဝမ်းနဲ့ ပတ်သတ်ပြီး ရေးသားထားတဲ့အကြောင်း ကိုကျွန်တော်လစဉ် စောင့်ဖတ်ဖြစ်ပါတယ်ဘာအကြောင်းကြောင့်မှ မဟုတ်ပါဘူး ။ ကိုယ်တွေလူဖြစ်တဲ့အချိန်နဲ့
မှီတယ်ဆိုရုံလေးမှီခဲ့တဲ့အနုပညာတစ်မားကြီး တစ်ယောက်အကြောင်းကို သိချင်စိတ်နဲ့အမြဲစောင့်ဖတ် ဖြစ်ပါတယ် ။
ဆရာ အောင်ချိမ့်ရဲ့ ဘော်ဒါဆန်ဆန်ရေးသားတဲ့ ပွင့်လင်းတဲ့ ရေးသားဟန်ကို သဘောကျတာလဲ တစ်ပိုင်းပါတယ်ပြောရမှာပေါ့ဗျာ ။
ဒီအပတ် ခင်ဝမ်း အကြောင်း တွေထဲမှာတော့ Spray Art ( ၀ါ ) Graffiti Art နဲ့ ပတ်သတ်တဲ့ ခင်ဝမ်း ရဲ့အမြင် ၊
ခံယူချက်တစ်ပိုင်းတစ်စ ကို စာရေးသူ က ပါးပါးလေးစုတ်ချက်ရေးတို့ထား တာတွေ့ရပါတယ် ။
ဘာရယ်မဟုတ်ပေမယ့် ခင်ဝမ်းလို အစဉ်အလာတွေကို ရိုက်ချိုး ပြီး အနုပညာကို အသစ်ဖြစ်အောင်ကျိုးပမ်းခဲ့သူ မြန်မာကျော်
တစ်ယောက်ရဲ့ အမြင်ဆိုတော့ ကျွန်တော့်လို လမ်းဘေး အနုပညာသမားတစ်ယောက်အတွက်တော့ ဗီတာမင်ဆေးလုံးပါပဲ ။
ကျွန်တော်နဲ့ ရင်ဘက်ချင်းတူမယ့် လူတွေအတွက် ဒီစာစုလေးကို ပြန်လည်မျှဝေလိုက်ပါတယ် ။
စာလုံးပေါင်း သတ်ပုံ ၀ါကျ နဲ့ စာခွဲပုံ ကို မူရင်းအတိုင်းဖြစ်အောင် မပြင်ဆင်ပဲပြန်လည်ဖော်ပြလိုက်ပါတယ် ။
အောင်ချိမ့် – ကတ်သလောက် ( ခင်ဝမ်း ၊ ပြည်မှာဆောင်း )
Mandalay ICON Magazine ၊ April ၊ 2012
၂၀ ။
အဲဒီနှစ်တွေဟာ ပန်းချီဆရာတွေ ၊ ပန်းချီပြပွဲတွေ နဲ့ ပန်းချီပြခန်းတွေ စိုပြေနေတဲ့ နှစ်တွေပါပဲ ။
၁၉၉၀ ၀န်းကျင်ပေါ့ ။ခင်ဝမ်းပွဲ IVY မှာရှိတယ်ဆိုလို့ စိတ်မပါလပ်မပါ ရောက်သွားပါတယ် ။
ရောင်းရတော့ ပန်းချီဆရာတွေဟာ ရောင်းရရေးပဲ မျှော်မှန်းပြီး ဒါပဲ ဒါပဲ ရေးနေကြတဲ့ ပွဲတွေအများကြီးကိုး ။
အမည်ရတဲ့ ပန်းချီဆရာတွေတောင် အဲသလို ရောင်းရရေးပဲ လုပ်နေကြလို့ပေ့ါ ။
ဒီမှာ ( Metallurgy ) ” သံရေကျိုအတတ်ပညာ ” ကိုတွေ့လိုက်ရတော့တာပါပဲ ။ တကယ့် အနုပညာပါ ။
တကယ့် ပန်းချီပါ ။ အလွယ်လမ်းကို မလိုက်တဲ့ အနုပညာပါ ။ ကျွန်တော် စဉ်ပြီး စဉ်းစားလိုက်တဲ့အခါ ခင်ဝမ်းရဲ့
ပြပွဲတွေဟာ တစ်ပွဲထက် တစ်ပွဲ ဇယားထိပ်ကို တက်တက်လာတဲ့သဘောတရားကို ကျွန်တော်တွေ့ခဲ့ရတယ် ။
အခု ” သံရည်ကျိုအတတ်ပညာ ” ဟာ စပရေး မှုတ်ပြီး တစ်ချက်စ နှစ်ချက်စနဲ့ ဖမ်းထားတာပါ ။
ခင်ဝမ်းပွဲများရဲ့ မျက်နှာစိမ်းမှ သံရည်ကျိုအတတ်ပညာသို့ အထွိတ်အထိပ် ရောက်မှုပေါ့ ။ အဲဒီတုန်းကလေးမှာ
” မိုက်ကယ်ဖေး ” ဆိုတဲ့ အမေရိကန်လူငယ်တစ်ယောက် မော်တော်ကားတွေကိ စပရေးနဲ့ လိုက်ပက်လို့ ကြိမ်ဒဏ်
အပြစ်ပေးခံရတာကို သမ္မတ ကလင်တန်က မေတ္တာရပ်ခံလို့ စင်ကာပူ သမ္မတ က လျှော့ပေါ့ပေးလို့ ကြိမ်ဒဏ်
(၄)ချက်အချခံရတဲ့သတင်း သတင်းစာတွေမှာ ကျွန်တော်တို့ ဖတ်ကြရတယ် ။ ကျွန်တော်က အဲဒီအကြောင်းပြောတော့
” ဟုတ်တယ်.. ကိုယ့်လိုပဲ လုပ်ဖော်ကိုင်ဖက်တွေပေါ့ . . Painting ပေါ့ “ လို့ ခပ်အေးအေး ပြောပါတယ် ။
ကျွန်တော့်မှာလည်း ဗလာစာအုပ် တစ်အုပ်ဆောင်၊ ” တောလား ” ရေးနေတဲ့အချိန်ပါပဲ ။ ” သူ့ သံရည်ကျိုပွဲ ” ကို
ကြည့်ရလို့ ကျွန်တော့် ” တောလား ” အတွက် အားရှိလာတဲ့စိတ်ကို မမေ့မလျှော့ ပြောပြလိုပါတယ် ။ ဒါပေမယ့်
ဒီပွဲဟာ ခင်ဝမ်းရဲ့ နောက်ဆုံးနေ့များကို ပြနေသလို အခုမြင်ရပါတယ် ။ မှတ်မိနေတဲ့ကားကတော့ ( Dinosaur ) ပါပဲ ။
ဘာလို့လဲဆိုတော့ ” ကိုတိုး ” ( ဆာမောင်တိုး ) ( ဗီတာမင်၁၃ ၀တ္ထုတို စာအုပ်ထုတ်ဝေသူ ) ကျွန်တော်တို့နဲ့
ခပ် စောစောပိုင်းထဲက တွဲခဲ့သူ ” စိတ္တဇပန်းချီ ” ပြန်ထုတ်ချင်လို့ လိုက်ပို့ပေးပါဆိုလို့ လိုက်ပို့တော့ သမီးတွေနဲ့ အိပ်ရာတန်းစီလှဲနေရာက
စောင်ခြုံထားလို့ ” ဟ ၊ ဒီလောက်ပူနေတဲ့အချိန်ကြီး စောင်နဲ့ ၊ နေမကောင်းလို့လား ” ဆိုတော့ ၊ ” မဟုတ်ဘူးကွ နေမကောင်းမဖြစ်၊
အောင် ကြိုလုပ်ထားတာ ” တဲ့ ။ မီးခလုတ်ခုံမှာ အဲဒီ ( Dinosaur ) ပန်းချီကားကို ချိတ် ထားတာ ကျွန်တော် သတိပြုမိမှန်းသိတော့
” ဟဲ ဟဲ ၊ အဲဒါ ကိုယ့်အသည်းနုလုံးလေ ၊ ဟဲဟဲ ကိုယ်က ဒီလိုပဲ ပြောရမှာပေါ့ မဟုတ်ဘူးလား ” ဟာသတစ်ဝက်နှောပါတယ် ။
နောက်တစ်ပတ်လောက်မှာ ကိုတိုးနဲ့တွေ့တော့ ” ခင်ဗျားလူက ကျွန်တော့ကို ဆရာလို့ခေါ်တယ် ။ ပြီးတော့ စာမူခ (၃)သိန်းသတ်မှတ်
ပါမယ် ။ သဘောတူရင် ဆရာ အခု စာချုပ်လေး ချုပ်ပြီး စရံ (၃) သောင်းပေးခဲ့ပါ ” တဲ့ ။ အဆင်မပြေခဲ့ဘူးပေါ့လေ ။
၂၁ ။
သံရည်ကျိုအတတ်ပညာကြောင့်ပဲ FMI နဲ့ အလုပ်ချိတ်မိပါတယ် ။
Download Here : စိတ္တဇပန်းချီ by ခင်ဝမ်း
အိုးဘို 